ما لا تعرفه عن HR.
شايف نفسك فين بعد خمس سنين ؟
تقريبا مفيش حد عمل interview وم اتسألش السؤال ده ومش فاهمين إيه فايدته وبنتسأله ليه ؟ وغيره من الأسئلة الرخمة اللي بتخلينا نقول إيه ال HR الرخم ده .
عشان كدا لازم نعرف أكتر عن مجال HR أو الموارد البشرية ونفهم دماغهم !
يعني ايه موارد بشرية ( HR ) ؟
الموارد البشرية أو HR تُعبر عن عدد الأفراد في المجتمع القادرين علي العمل و الراغبين فيه و الواجب إدارته بمنتهي الكفاءة والفاعلية لكي تحقق الشركة أهدافها الأساسية مثل الربحية والنمو والبقاء .
بمعنى آخر إن المورد البشرى هو كل موظف أو عامل داخل أى منظومة أو مؤسسة .
إدارة الموارد البشرية بإختصار هي إدارة مسؤولة عن كيفية تحقيق الخطة الإستراتيجية للشركة من خلال اللموظفين العاملين بها ، و كذلك تحقيق أهداف الموظفين ( الموارد البشرية ) .
أنت ك HR لو عندك مشكلة في آداء أحد الموظفين أو أحد العاملين داخل الشركة لازم تتابعه علشان تحدد إحتياجاته إما تدريب أو تحفيز بطربقة ما .
مهام إدارة الموارد البشرية :
_ اختيار الأشخاص المناسبة للوظيفة .
_ تدريب وتطوير الموظفين .
_ المحافظة على بقاء الموظف .
_ العمل على تنفيذ الخطط الإستراتيجية للشركة .
_ حل المشكلات الخاصة بالموظفين .
_ تحديد رواتب الموظفين .
شايف نفسك فين بعد 5 سنين !
سؤال بنتسأله ف معظم ال interviews والهدف منه معرفة مدى طموحك، وحبك للوظيفة والشركة اللى مقدم ليها .. وهل انت بالفعل عندك خطة مُسبقة للعمل ف المؤسسة دى وناوى تكمل فيها ولا مجرد وظيفة عادية .
سؤال بيكشف صحة وقوة تفكيرك وتميزك عن غيرك ، فحاول قبل ما تفكر تدخل مجال الشغل .. حط خطة لنفسك واعرف الوظيفة المناسبة ليك وطور نفسك عشان تكمل فيها ، وتكون مستحق ليها بجدارة .
كتابة: ياسمين خالد.
تعليقات