أنا هصحي هلعب رياضة وافطر واذاكر واروح شغلي واقابل اصحابي واقعد مع اهلي وأخيرًا هنام.
كالعادة ده مبيحصلش تفتكر علشان أنت السبب ولا لأن النهار قصير ولا علشان كان في جامعة!
هتفضل مشكلة الوقت وأننا دايمًا بنحاول نتحكم فيه على مر العصور ازمة البني ادم اللى مش عارف يلاقي ليها حل، مش هدخلك بقي في أهمية الوقت والوقت كالسيف والكلام اللي شبعنا منه ده، بس هجوبك على سؤال بيدور في ذهنك.
احدد وقتي الضايع أزاي؟
بص ياسيدي ...
أ/ كريم إسماعيل لخص ده في فيديو باستخدام طريقة بسيطة وهي أنك هتجيب ورقة وقلم وتقعد كده اخر يومك تسجل كل حاجه عملتها من ساعة ماصحيت لحد وقت النوم وده لمدة 3 أيام على التوالي ممكن تمدها السبوع كمان.
خد مثاال :
" أنا صحيت 10 كلت 11 روحت الشغل من 12 -6 مواصلات من 6-ل 6 ونص واتغديت 7 وووو... " بالتفاصيل
طب خلاص أنت عرفت وقتك بيضيع فين هتعمل أي؟
أزاي انظم وقتي وأفضل متحكم فيه؟
هتعمل لنفسك جدول يومي بسيط وهضيف فيه حاجات بسيطة أزاي؟
خد مثال:
"النهاردة هذاكر فيزياء وانجلش و هحفظ وجه."
بس وبعد أسبوع تبدأ تزود روتينك البسيط ببساطة بردو يعني هتخلي الأسبوع الثاني بدل 3 مهمات يبقوا أربعة وهكذا ....
الكاتب Tim ferrise شرح في كتابه "The 4-Hour work week"
الوقت وأهمية وطريقة مبسطة جدًا علشان تتحكم في وقتك.
بيتكلم الكاتب عن أنك لو جاوبت على 5 أسئلة الصبح وبليل في وقت اللي يتعدي 5 دقائق يوميًا هيساعدك أنك تحسن نفسيتك وتنظم وقتك جدًا.
"النهاردة هذاكر فيزياء وانجلش و هحفظ وجه."
بس وبعد أسبوع تبدأ تزود روتينك البسيط ببساطة بردو يعني هتخلي الأسبوع الثاني بدل 3 مهمات يبقوا أربعة وهكذا ....
الكاتب Tim ferrise شرح في كتابه "The 4-Hour work week"
الوقت وأهمية وطريقة مبسطة جدًا علشان تتحكم في وقتك.
بيتكلم الكاتب عن أنك لو جاوبت على 5 أسئلة الصبح وبليل في وقت اللي يتعدي 5 دقائق يوميًا هيساعدك أنك تحسن نفسيتك وتنظم وقتك جدًا.
أيه بقي الاسئلة دي؟
- أنا سعيد بسبب أي النهاردة؟
- إيه خلي النهاردة يوم عظيم؟
- إيه كلام ايجابي لنقسي انهاردة؟
- ثالث حاجات جميلة حصلت انهاردة؟
- أزاي كنت ممكن اخلي النهاردة أفضل؟
الكاتب باختصار بيقول أنك تجيب نوت بوك وتجاوب علي الأسئلة دي كل يوم أول حاجة هتحسن نفسيتك طب أزاي؟
يعني مثال أنا قولت لنفسي أي كلام إيجابي؟ أي ده انا مقولتش؟
يعني مثال أنا قولت لنفسي أي كلام إيجابي؟ أي ده انا مقولتش؟
بيقول بردو الكاتب أنه مش جنان وأن نفسيًا ده صحيح ومش عيب قدر نفسك وحبها اقف قدام المرايا وقول نفسك أنا جميل، صباح الخير ياقمر، أنا بحبك، أنا هقدر، أنا أقوي وهكذا ....
حاجه تانية هيحسن من شخصيتك، أيه اللي ممكن يخلي يومي عظيم وأنت مش لاقي حاجه، هتبدأ تعمل حاجه زي مثال تساعد عجوز يعدي الشارع أو تلاعب طفل وتكون سبب أنه يبتسم، أنا ساعدت فلان في كذا وبالتالي يومك مش هيعدي بدون فايدة.
ازاي ممكن اخلي يومي افضل؟
هتحط في الإجابة اللي كان نفسك تحققه ومحصلش وهتبدأ بيه يومك الثاني وهيكون ده من اساسيات المهام بتاعتك.
ملحوظة:
مش لازم يكون عملت حاجه كبيرة زي ماقولت ممكن يكون انك كنت سبب في ابتسامة طفل مش لازم تكون بنيت عمارة ممكن انك ساعدت حد يعدي الطريق.
حاولوا تطبق طريقة من الاثنين او الاثنين سوا هتستفيد جدًا.
كتابة: روميساء علاء.
تعليقات