طالب بدماغ دكتور.
الموضوع بسيط إحنا أصحاب أنا هذاكر واشرحلك ، لو أنت مشغول هشرح لنفسى .. أو أنت تذاكر وتشرحلي ، لو انا مشغول تشرح لنفسك .
اينشتاين بيقول " إذا لم تستطع ان تشرح فكره ببساطة فأنت لم تفهمها بعد " .
العالم الفيزيائي فاينمان عمل تقنية إسمها " FEYNMAN technique : هي طريقة لفعل شيء معين وتتبع فيها أربع خطوات كل اتنين شبه بعض.
خطوات المذاكرة:
الخطوة الأولي:
إنت في الخطوة دي "طالب".. ذاكر الدرس بتركيز تام من خلال الكتب والمراجع وبالطريقة اللي تريحك .. ركز في الموضوع وافهم الأفكار ولخص الدرس ) وبعد كدا هتبقى عايز تتأكد انك فهمت الدرس .
الخطوة الثانية:
أنت في الخطوة دي "دكتور".. بعد ما فهمت الدرس ولخصت الموضوع كله هتبدأ تشرح الدرس لأحد اصدقائك او اشرحه لنفسك علي ورق .. حاول تبسط الدرس والمصطلحات والمعلومات ولو امكن انك تستخدم رسومات أو أمثلة بتساعد على ترسيب المعلومة في زهنك ) .. ومن خلال الشرح هتبدأ تتكون عندك أسئلة لسة مش عارف إجابتها ومن هنا هتيجي دور الخطوة الثالثة.
الخطوة الثالثة:
أنت في الخطوة دي رجعت "طالب" .. أرجع للكتب والمراجع وشوف إجابات الأسئلة اللي واجهتك وأعرف الحل ورتب أفكارك تاني عشان ترجع لدور الدكتور ) .. وبعد ما تجاوب على الأسئلة اللي عندك هتيجي دور الخطوة الرابعة.
الخطوة الرابعة:
أنت في الخطوة دي رجعت "دكتور"..هتبدأ تشرح الأسئلة اللي عرفت إجابتها لصاحبك أو لنفسك وتركز على المعلومات وتثبت المعلومات عندك ).. ومن هنا تكون خلصت الدرس كله فهم وأسئلة ومراجعة.
جرب الطريقة دى هتفيدك جداً وهتساعدك على التركيز وعدم التشتت .
كتابة: إسلام السيد.
تعليقات