ليه الصمغ مش بيلزق داخل علبته !
منتشر بعض الأسئلة على السوشيال ميديا واللي البعض بيطلقها للسخرية وبيلقبوها بإنها "أسئلة وجودية" واللي منها عدم التصاق الصمغ في العبوة من الداخل مع إنه في النهاية صمغ ووظيفته لزق أي شيء ، دي مش أسئلة وجودية ولا حاجه؛ لإن كل سؤال وله جواب من الناحية العلمية.
بعض الناس بتعتقد إن العبوة اللي فيها الصمغ فيها مادة عازلة أو مصنوعة من مواد معينة عشان الصمغ ميلزقش فيها من الداخل ولكن دا مش صحيح لإن العبوة عادة بتكون مصنوعة من بلاستيك أو رقائق معدنية خفيفة وسواء في حالة البلاستيك أو المعدن فالعنصرين دول بيلتصقوا بالصمغ عادي جدا .
لكن السبب ببساطة إن الصمغ بيتصنع من مواد كيميائية تسمى البوليمرات، واللي بتكون لزجة، ولما بنحط الصمغ على الورق أو أي شيء عاوزين نلزقه فالمواد الكيمائية بتتعرض للهواء؛ فبيتحول من حالته السائلة إلى الصلبة، وخلال وجود الصمغ في أنبوبته فهو لا يتعرض للهواء، ولذالك يبقى في حالته السائلة.
كتابة: إيمان الوكيل.
تعليقات