نظم وقتك في خطوتين

How do you eat an elephant ؟

 الفيل من أكبر وأضخم الحيوانات ، ومع ذلك بنلاقى ملك الغابة ( الأسد ) بيسيطر عليه وياكله .

" هل بياكله مرة واحدة ؟ " .. بالتأكيد لأ ، بيقطعه أجزاء على قدر حجم فمه ، فالأسد بيرد على سؤالنا اللى فوق دا وبيقولنا : On bite at a time ( كل مرة قطعة " قطمة " ) .. قطمة فى قطمة أكل الفيل كله .

How do you eat the book ؟

الرد بالتأكيد One lesson at a time .

هو احنا بناكل الكتاب فعلاً ؟  .. طبيعى هتاكله وإلا ممكن يحصل العكس .

قاعدة SQ3R : 

القاعدة دى جاية تقولك أنت مفروض تاكل الكتاب إزاى ، مش كدة وبس .. دى هتخليك تهضمه .

_ ركز معايا فى الخطوات 

حرف ( S ) معناه survey:

اعتبر ال chapter جورنال ، اتصفح فيه براحتك وركز على العناصر الرئيسية والكلمات البارزة والصور وشوف الكتاب كإنه حاجة حلوة .

حرف ( Q ) معناه Query:

 وانت بتقلب فى الجورنال بتلاقى كلمة أو عنوان أو صورة بيلفتوا نظرك وبتتسائل يا ترى الحاجة دى معناها إيه .. اكتب الأسئلة دى فى ورقة بطريقة منظمة .

حرف ( R ) معناه Read: 

انت فى البداية أخدت نظرة عامة بسيطة ، بعدها حطيت أسئلة خطرت فى بالك مش عارفلها إجابة .. هتبدأ دلوقت تقرأ إجابات للأسئلة دى ( يعنى هتقرأ الموضوع من أوله لآخره بتركيز وهدوء وهتحصل على إجابة وتفسير لمعظم الأسئلة " اكتب الإجابة لكل سؤال منفصل فى الورقة اللى جهزناها " ) .

حرف ( R ) معناه Recall او Recite:

 عارف مقولة " دارى على شمعتك تقيد ؟ " .. احنا هنعمل عكسها على طول ، عرفت إجاية سؤال فنقرأها بصوت عالى بقا أصل احنا لازم نفتخر بنفسنا . ( هتقرأ الإجابات بصوت عالى وتركيز علشان تكون اشتغلت على حاسة السمع والبصر ) .

حرف ( R ) معناه Review:

 راجع على الدرس والأسئلة اللى حطيتها كلها ، واربطهم ببعض علشان متنساش .

الخمس خطوات كل خطوة منهم تمثل قطعة من الفيل ، هنكرر الخطوات لحد ما نخلص الفيل ( الكتاب ) .

" متنساش أنت أقوى من الأسد "