نظم وقتك في خطوتين

 

- بما إن هدفنا كلنا التغيير، و إن كل واحد فينا يسيب أثر؛ كان لازم نبدء رحلتنا من بدري، علشان كده جبنا لك ١٢ قانون هتغيير حياتك للأفضل بإذن الله، و اللي معظمنا بيطبقها من غير ما نحس. Are you ready؟ - قوانين الكارما( 12 )من أهم القوانين اللي بتقوم عليهم الحياة بشكل عام؛ من خلال تصرفات كل فرد، و نتيجتها و تأثيرها على حياته، و مستقبله. - القوانين : ١- السبب و النتيجة : دا واحد من أشهر قوانين الكارما، و أكتر قانون معبر عن مصطلح الكارما عمومًا، و معناه اللي بتعمله هيأثر علي مستقبلك، يعني أنا مثلاً كان عندي إمتحان مهم و منمتش كويس؛ أكيد هصحى مش مركز، و مقدرش أقدم كويس، على عكس الشخص اللي حضّر كويس، و أخد وقت راحة كافي . ٢- الإنشاء : لازم تعرف إن النجاح مش هيجيلك لوحده، لا لازم تشتغل، و تجتهد، و تتعب ؛ علشان توصل. ٣- التواضع: متقارنش بداياتك بحصاد غيرك، أقبل نفسك بكل حالاتك، و افتكر وقت ما كنت بتحاول غيرك كان وصل، و مش كل حاجة تحطها عقبة قدامك، كل لحظة بتعدي فرصة لو قدرت تستغلها صح . ٤- النمو: كل حاجة حوالينا بتتغيير و بتتطور؛ جه دورك في تطوير، و تنمية نفسك. ٥- المسؤولية: اتحمل نتيجة قراراتك والله كويسة كان بها، والحمد لله، مش زي ما أنت متوقع يبقى فرصة أعدل، و اتشغل عليها، و اطلعها كما يجب. ٦- الإتصال : إنت مش عايش لوحدك، كلنا بنكمل بعض، فخلّي نفسك دايمًا محل تبادل منفعة؛ مين عارف ممكن تحتاج إيه بكرة ؟، ومن مين؟. ٧- التركيز: ركز على أهدافك الأول، و اعطيها الأولوية، وفي الوقت دا مش هيهمك كل السلبيات، أو أى حد يحبطك، وكل العقبات دي بكرة تبقى سبب فخر. ٨- العطاء: مش كفاية إنك تتكلم عن النجاح، و مساعدة الغير أو غيرها من القيم، خليك شخص مؤثر بالفعل ( قد أى حاجة فعلاً و قولاً). ٩- قانون هنا والآن: الماضي راح و التفكير فيه ملوش فايدة، و المستقبل بإيد ربنا، اللي في إيدك تغيره هو الحاضر بتاعك، يعني استفيد من الماضي، و اتعلم منه، و طبّق على الحاضر؛ يتغير المستقبل. ١٠- التغيير : كل حاجة قابلة للتغيير، بس أنت انوي، و ابدء . ١١- الصبر و المكافأة: كل ما صبرت، و تعبت في الطريق، النجاح بيكون أحلى، و في اللحظة دي لذة الوصول كفيلة ترمم كل جراح الرحلة. ١٢- الأهمية و الإلهام : متقللش من قيمة أي حاجة عملتها حتى، ولو بسيطة، و افتكر أهمية الشئ يحددها الشخص. - يعني الخلاصة كده إن النجاح حليف الشخص القادر، الثابت، و إنك لوحدك قادر تحدد قيمة عملك، و نتيجته محدش هيتحملها غيرك، افتكر إن التغيير حتى ولو كان صعب مش مستحيل . كتابة: فاطمة حسن.